|
| 昨日去左過舊同事婚禮,Ricky & Emily婚禮,見番好多舊同事,影左好多相,個個都無咩點變,Ricky人緣非常好,差不多成間公司d同事都請晒,企上台都要分三排人企,d姊妹同兄弟都好好,個氣氛好熱鬧,這個婚禮係我去咁多個婚禮最特別,可能我未見過,係宴會上即場有註冊,交換介子,宣讀誓言,係咁多賓客見証下. 新娘就好感動,未出場時,已經哭左出黎,到上台都好感動忍唔住就哭,這個場面好感人,之後睇番佢地細個d片後,d兄弟整左套band show五人組的片都好搞笑,仲可以即場睇番佢地接新娘的片,都無悶場,d兄弟有幫手比番d相我地,非常有效率,可以即刻攞返自己同新人影過d相,佢地安排得好好,以為要用自己部相機影先有,佢地都比番六張有我的相,係到祝Ricky & Emily 白頭到老,永結同心! | | |
| 細佬買左個兩磅ge蛋糕返黎,慶祝父親節,有d驚喜,我細佬真係大個仔左,今年的母親節又買野,父親節又買野,個蛋糕又大個,有兩層,又靚,食到好飽都未食完個蛋糕,哈哈 | | |
| 昨晚約左阿Ming,Liz,Ryan,Rita,Eric,Aman,June,阿基七點鐘係旺角neway唱k,點知個個都無咁早到,差不多七點半八點先到,為有我自己攞左位先,之後Eric先到,後來阿Ming同Liz又到埋,後來玩到十一點半先走人,原本無限時間走人,但費時咁夜返屋企,連阿媽都催左我兩次返屋企,今年生日好多謝咁多位朋友同我慶祝生日,這個生日好開心! | | |
| 六月八日,四點鐘上到大茵同vincent屋企,叫大茵教我化妝,我學左個幾鐘,到五點幾,就出發去愉景新城pizza hut食pizza hut,我地三個最早到,之後阿昌,阿roy到左,我地叫左個二人餐,有一個大批,加意粉,腸仔番茄,但唔夠食,之後lilian都到埋,再叫多左個大批,本來nikta都黎,但臨時有時,得七個人食,食到九點鐘,就食飽飽走人,返到屋企十點鐘,仲可以睇埋花樣少年少女. | | |
| 今日係我農曆生日,還記得上年我的農曆生日係正日生日後幾日,好快咁就一年,上年正日生日有茵,Vincent,Joey,Din,Lilian,阿昌同我一切過,剛巧阿昌都係六月生日,就一切搞埋食飯,好多謝阿茵,給我第一次的打保齡球,不過全部都落晒坑,保齡球唔係成日有得玩,要識玩d人先好玩,阿茵都給我幾多第一次,第一次射箭,第一次游水,第一次去水上樂園..........仲要多謝Joey,著咁高的鞋同我去打保齡球,又走到西九龍聚滿庭食飯,今次生日, 大茵又同我食飯,好多謝這位好朋友! | | |
|
